ಮೈಲಿಗಲ್ಲು

ಸುತ್ತೆಲ್ಲ ಬೆಳೆದಿದ್ದರೂ 

ಕುರುಚಲು ಹುಲ್ಲು

ಡಾಂಬರು ರಸ್ತೆಯಾದರೂ
ಅಲ್ಲಲ್ಲಿ ಬಿದ್ದಿಹ ಮುಳ್ಳು ಕಲ್ಲು

ಬಿಸಿಲು ಮಳೆಯೆನ್ನದೆ ಕಳೆದ
ಚಳಿಗಾಲದಲ್ಲೂ

ಎಷ್ಟೋ ಜನರ ದಾಟಿಸಿದರೂ
ಇರದ ಹೆಮ್ಮೆಯಲ್ಲೂ

ನಿಂತಿಹುದು ಅಲ್ಲೇ
ಈ ಮೈಲಿಗಲ್ಲು||

ಕ್ರಮಿಸಿದ ದಾರಿಯ ದೂರವ
ಚಾಲಕನಿಗಿತ್ತ ಆ ಲೆಕ್ಕದಲ್ಲೂ

ರಸ್ತೆಯ ಬಿಟ್ಟು ಜಾರಿದ ಚಕ್ರವ
ನಿಲ್ಲಿಸಿದ ಆ ಕ್ಷಣದಲ್ಲು

ದಣಿದ ಕಾಲುಗಳಿಗೆ ಆಯಾಸ
ನೀಗಿಸಿದ ನಿಟ್ಟುಸಿರಲ್ಲೂ

ರಸ್ತೆಯ ದಾಟಿದ ಪ್ರತಿಜೀವದ
ಭಾವವ ನೋಡಿದ ಪರಿಯಲ್ಲೂ

ನಿಂತಿಹುದು ಅಲ್ಲೇ
ಈ ಮೈಲಿಗಲ್ಲು||